Mühasibatlıq, vergi və kadr xidmətləri

Əvvəlcə fəaliyyət sahənizi, planlaşdırılan əməliyyatları və mövcud qeydiyyat məlumatlarını nəzərdən keçiririk. Buna uyğun vergi öhdəliklərini, lazım olan ilkin sənədləri və hesabat təqvimini müəyyənləşdiririk. Alış-satış, bank və digər gündəlik əməliyyatların necə sənədləşdiriləcəyini izah edir, uçotun başlanğıcdan ardıcıl aparılmasına dəstək göstəririk.

Razılaşdırılmış xidmət çərçivəsində vergi təqvimini izləyir, bəyannamələrin hazırlanmasına və vaxtında təqdim edilməsinə dəstək göstəririk. Sizə yaranan vergi öhdəliklərini, ödənilməli məbləğləri və qarşıdakı hesabat tarixlərini təqdim edirik. Bunun üçün əməliyyat məlumatlarının və sənədlərin vaxtında bizə çatdırılması vacibdir.

ƏDV ilə bağlı alış-satış sənədlərini və əməliyyat məlumatlarını nəzərdən keçirir, ƏDV hesablamalarını və bəyannamələrini hazırlayırıq. Elektron qaimələrin, müqavilələrin və ödəniş məlumatlarının bir-birinə uyğunluğuna diqqət edirik. Konkret əməliyyat üzrə ƏDV məsələsini həmin əməliyyatın sənədləri və tətbiq olunan tələblər əsasında qiymətləndiririk.

Elektron kabinet mütəmadi olaraq biz tərəfdən yoxlanılır və daim nəzarətdə saxlanılır. Tələb olunan məlumatları nəzərdən keçirir, cavabın və əlavə sənədlərin hazırlanmasını təmin edirik. Elektron kabinetdəki yazışmaları razılaşdırılmış xidmət çərçivəsində izləyir, cavablandırılmalı məsələləri və müvafiq tarixləri sizinlə dəqiqləşdiririk.

Bank çıxarışı ödənişi göstərir, lakin əməliyyatın mahiyyətini həmişə tam izah etmir. Ödənişi müvafiq müqavilə, elektron qaimə, təhvil-qəbul aktı və ya digər ilkin sənədlə əlaqələndirmək lazım gələ bilər. Təqdim etdiyiniz məlumatları müqayisə edir, hansı əməliyyat üzrə əlavə sənəd və ya izah lazım olduğunu sizə bildiririk.

Vergi uçotu vergi öhdəliklərinin müəyyənləşdirilməsi və müvafiq hesabatların hazırlanması üçün məlumatları sistemləşdirir. Mühasibat uçotu isə biznesin gəlirlərini, xərclərini, aktivlərini, borclarını və pul vəsaitlərini daha geniş şəkildə izləməyə kömək edir. İki prosesin məlumatlarını uyğunlaşdıraraq həm hesabatların, həm də gündəlik idarəetmə üçün lazım olan göstəricilərin aydın olmasına çalışırıq.

Gəlir və xərclərin, müştəri və təchizatçı borclarının, pul vəsaitlərinin və əsas vəsaitlərin vəziyyəti barədə məlumatlar hazırlayırıq. Aylıq göstəricilərin müqayisəsi xərclərdəki dəyişiklikləri və ödəniş ehtiyaclarını görməyə kömək edir. Maliyyə hesabatlarının tərkibini və təqdim olunma qaydasını biznesinizin ehtiyacına və razılaşdırılmış xidmətə uyğun müəyyənləşdiririk.

Müqavilə, qaimə, akt və ödəniş məlumatlarını əlaqələndirərək hesablaşmaları tərəflər üzrə izləyirik. Hansı məbləğin ödənildiyini, hansı borcun qaldığını və hansı ödəniş tarixlərinin yaxınlaşdığını görmək üçün məlumatları sistemləşdiririk. Mütəmadi olaraq müştəri və təchizatçılarla üzləşmə aktları tərtib edirik. Uçotla faktiki hesablaşma arasında fərq olduqda onun səbəbini təqdim olunan sənədlər əsasında dəqiqləşdiririk.

İnventarın və əsas vəsaitlərin alınması, istifadəsi və hərəkəti barədə sənədlərin uçotda əks olunması göstərdiyimiz xidmətlər siyahısındadır. İnventarizasiya nəticələrini uçot məlumatları ilə müqayisə edir, fərq yaradan halların mənbəyini araşdırırq. Əsas vəsaitlərin amortizasiya siyasətinin formalaşdırılmasını da müəssisənin fəaliyyətinə və tətbiq olunan tələblərə uyğun nəzərdən keçiririk.

Ümumi uçot prinsipləri oxşar olsa da, izlənən əməliyyatlar fəaliyyət sahəsinə görə fərqlənir. Ticarətdə mal qalığı və hesablaşmalar, istehsalda material sərfi, maya dəyəri və hazır məhsul, xidmət sahəsində isə müqavilələr, görülmüş işlər və ödənişlər ön plana çıxır. Sənədlərin toplanmasını və hesabat məlumatlarını həmin ehtiyaclara uyğun qururuq.

İşə qəbulun şərtlərini və işçi barədə təqdim olunan məlumatları nəzərdən keçirir, əmək müqaviləsi və əlaqəli qeydiyyat sənədlərinin hazırlanmasını həyata keçiririk. Vəzifə, əmək haqqı və iş vaxtı məlumatlarını əmək qanunvericiliyinə uyğun olmasına diqqət edirik. Konkret işə qəbul üçün lazım olan məlumat və sənədləri sizinlə əvvəlcədən dəqiqləşdiririk.

Məzuniyyət ərizələri və əmrlərinin, ezamiyyətlə bağlı sənədlərin hazırlanmasına təmin edirik. Tarixlərin iş vaxtı cədvəlləri və əlaqəli hesablamalarla uyğunluğunu nəzərdən keçiririk. Ezamiyyət xərclərinin uçotu üçün təqdim olunan sənədləri də həmin proseslə əlaqələndiririk. İşin həcmini müəssisənizin ehtiyacına uyğun razılaşdırırıq.

İş vaxtı cədvəlini əmək müqaviləsi, məzuniyyət və digər əlaqəli kadr sənədləri ilə müqayisə edirik. Fərqin hansı tarixdən və ya məlumatdan yarandığını müəyyənləşdirməyə kömək edir, dəqiqləşdirilməli qeydləri sizinlə müzakirə edirik. Əmək haqqı hesablamasında istifadə olunan məlumatların təsdiqlənmiş kadr sənədləri ilə uyğunlaşdırılmasına diqqət yetiririk.

Vəzifə dəyişikliyində müvafiq əmrlərin, əmək münasibətlərinə xitamda isə tələb olunan sənədlərin hazırlanması işləri tərəfimizdən gecikmə olmadan edilir. Əvvəlcə dəyişikliyin və ya xitamın əsasını, tarixini və mövcud sənədləri nəzərdən keçiririk. Atılacaq addımları konkret vəziyyətə uyğun dəqiqləşdirir, sənədləşmənin ardıcıllığını qoruyuruq.

Əvvəlcə mövcud müqavilələri, əmrləri, məzuniyyət məlumatlarını və iş vaxtı cədvəllərini nəzərdən keçiririk. Çatışmayan sənədləri və bir-birinə uyğun gəlməyən məlumatları müəyyənləşdirərək görüləcək işlərin siyahısını hazırlayırıq. Sonrakı dövrlər üçün sənədlərin toplanmasını və yenilənməsini daha aydın qaydada təşkil etməyə kömək edirik.

Müəssisənin yaradılması ilə bağlı təsis sənədlərinin və digər tələb olunan sənədlərin hazırlanmasına dəstək göstəririk. Planlaşdırılan fəaliyyət və təqdim olunan məlumatlar əsasında hansı sənədlərin lazım olduğunu dəqiqləşdiririk. Görüləcək işlərin ardıcıllığını və xidmətin həcmini sizinlə razılaşdırırıq.

Bəli, təsis sənədlərində dəyişikliklərlə bağlı xidmət göstəririk. Mövcud sənədləri və dəyişiklik istəyinizi nəzərdən keçirərək lazım olan sənədləşməni müəyyənləşdiririk. Hazırlanmalı sənədləri və növbəti addımları dəyişiklik növünə uyğun sizinlə dəqiqləşdiririk.

Müqavilənin predmetinin, tərəflərin öhdəliklərinin, ödəniş və təhvil şərtlərinin aydın yazılmasına diqqət edirik. Müddətlərin və məsuliyyət şərtlərinin nəzərdə tutulan əməliyyata uyğunluğunu da nəzərdən keçiririk. Məqsədimiz tərəflərin nəyi, nə vaxt və hansı şərtlərlə yerinə yetirəcəyinin sənəddə başadüşülən olmasıdır.

Borcun yaranmasına aid müqaviləni, qaimələri, aktları və ödəniş məlumatlarını nəzərdən keçiririk. Daha sonra borcun sənədlərlə təsdiqini və iddia müddətləri ilə bağlı vəziyyəti qiymətləndirdirik. Mümkün növbəti addımları konkret sənədlərə əsasən müzakirə edirik.

Vergi hüququ ilə bağlı məsələləri əməliyyatın mahiyyəti, sənədlər və daxil olmuş rəsmi yazışmalar əsasında nəzərdən keçiririk. Tələblərin biznesinizə necə aid olduğunu aydınlaşdırmağa çalışır və sənədlərin bu istiqamətdə hazırlanmasını təmin edirik..

Planlaşdırdığınız fəaliyyətin vergi öhdəlikləri, alış-satış sənədləri, xərclərin uçotu və işçi qəbulu ilə bağlı sualları birlikdə nəzərdən keçirə bilərik. Fəaliyyətiniz barədə məlumatlara əsasən ilk mərhələdə hansı məsələlərin dəqiqləşdirilməli olduğunu izah edirik. Məqsəd başlanğıc addımlarının və sənədləşmənin daha aydın planlaşdırılmasıdır.

Sualınızı, planlaşdırdığınız qərarı və mövcud vəziyyəti qısa şəkildə izah edin. Məsələyə aid müqavilə, qaimə, akt, hesabat və ya rəsmi bildiriş varsa, onları da təqdim edin. Lazım olan əlavə məlumatları mövzuya görə dəqiqləşdiririk. Bu, ümumi izah əvəzinə sizin vəziyyətinizə uyğun cavab hazırlamağa kömək edir.

Bu kimi hallarda ilkin olaraq müqavilədə nəzərdə tutulan əməliyyatları, ödəniş və təhvil şərtlərini uçot və sənədləşmə baxımından nəzərdən keçiririk. Hansı ilkin sənədlərin hazırlanacağını və məlumatların necə əlaqələndiriləcəyini birlikdə qiymətləndiririk. Sualları konkret əməliyyat üzərindən izah edərək qərarın sonrakı iş proseslərinə təsirini aydınlaşdırmağa kömək edirik.

İşçi sayının artmasının kadr sənədlərinə, iş vaxtının izlənməsinə və əmək haqqı hesablamalarına təsirini nəzərdən keçiririk. Yeni fəaliyyət və ya əməliyyatlar yarandıqda vergi, sənədləşmə və uçot ehtiyaclarını da qiymətləndiririk. Dəyişiklikdən əvvəl görüləcək işləri müəyyənləşdirməyə və onların ardıcıllığını planlaşdırmağa dəstək göstəririk.

Mövcud vəziyyəti və mümkün seçimləri izah edir, hər seçimin sənədləşmə və uçot baxımından nə dəyişəcəyini müzakirə edirik. Dəqiqləşdirilməli məlumatları və görüləcək işlərin ardıcıllığını sizinlə müəyyənləşdiririk. Adətən konkret qərarın nəticəsi təqdim olunan məlumatlardan və tətbiq olunan tələblərdən asılı olur.Əsas məqsədimiz daha əsaslı seçim etməyinizə kömək etməkdir.

Proqramın müəssisənizin uçot siyasətinə və gündəlik iş qaydasına uyğunlaşdırılmasında dəstək göstərə bilərik. Sənədlərin sistemə daxil edilməsi, məlumatların əlaqələndirilməsi və izlənməsi qaydasını nəzərdən keçiririk. Görüləcək işlər istifadə etdiyiniz proqramın imkanlarına görə də dəyişə bilir.

İdxal əməliyyatlarında müqavilə, invoys, daşınma, sığorta və gömrük sənədlərinin bir-biri ilə uyğunluğunu nəzərdən keçirir və bu sənədlər əsasında malın dəyərini müəyyənləşdiririk.

Bəli, tenderin şərtlər toplusundakı tələbləri və müəssisənizin mövcud sənədlərini nəzərdən keçirərək sənədlərin hazırlanmasını və təklifin təqdim edilməsini təmin edirik.

Malların qəbulu, anbar daxilində hərəkəti və qalığının izlənməsi üçün uçot qaydasını əvvəlcədən birlikdə, müştərinin əməkdaşları ilə qururuq. Hər hərəkətin müvafiq sənədlə və proqramdakı qeydlə əlaqələndirilməsini təşkil edirik. Faktiki qalıqla uçot məlumatları arasında fərq olduqda onun araşdırılması üçün lazım olan məlumatları müəyyənləşdirir, növbəti dövrlərdə bu halların azalması üçün idarəedicilərə təkliflər təqdim edirik.